He coude bettre than his lord purchace.

Ful riche he was astored prively,

His lord wel coude he plesen subtilly,

To yeve and lene him of his owne good,

And have a thank, and yet a cote and hood.

In youthe he lerned hadde a good mister;

He was a wel good wrighte, a carpenter.

This reve sat up-on a ful good stot,

That was al pomely grey, and highte Scot.

A long surcote of pers up-on he hade,

And by his syde he bar a rusty blade.




바로 포기